حکومت کی ایل این جی درآمد کرنے کی کاوشوں کو دھچکا

اسلام آباد(عاطف شیرازی) حکومت کی ایل این جی درآمد کرنے کی کاوشوں کو دھچکا لگا ہے، پاکستان ایل این جی لمیٹڈ نے ایل این جی کے ایک کارگو کیلئے موصول ہونے والی واحد بولی کو مسترد کر دیا ،ذرائع کا کہنا ہے کہ مہنگی بولی موصول ہونے کے باعث اسے منظور نہیں کیا گیا۔ذرائع کے مطابق پاکستان ایل این جی لمیٹڈکوٹینڈر کے لیے 26 اعشاریہ 97ڈالر فی ایم بی ٹی یو کی ایک بولی موصول ہوئی تھی ،یہ بولیاں 4 سے 8 ستمبر تک کی ایل این جی سپلائی کے لیے عالمی کمپنیوں سے یکم ستمبر تک طلب کی گئی تھیں، اس سے پہلے جولائی میں پاکستان نے 5 کارگوز خریدے تھے اور اس وقت سب سے زیادہ بولی 21 اعشاریہ 88ڈالر فی ایم بی ٹی یو تھی یعنی موجودہ موصول بولی جولائی کے مقابلے میں تقریباً 5 ڈالر فی ایم بی ٹی یو زیادہ مہنگی بنتی ہے۔