کوئٹہ میں مختلف روٹس کیلئے 27الیکٹرک بسیں خریدنے کا فیصلہ

کوئٹہ (این این آئی ) بلوچستان میں محکمہ ٹرانسپورٹ نے مختلف روٹس پر چلانے کیلئے 27 الیکٹرک بسیں خریدنے کا فیصلہ کرلیا ،الیکٹرک بسیں چین سے منگوائی جائیں گی ،محکمہ ٹرانسپورٹ کے حکام کے مطابق کوئٹہ میں محکمہ ٹرانسپورٹ نے پرانی لوکل بسیں بند کردی ہیں ، جس کی وجہ سے اندرون شہر شہریوں کو سفر میں مشکلات ہیں ، گرین اور پنک بسوں کے روٹس پر روزانہ ہزاروں افراد سفرکررہے ہیں اس صورتحال کے پیش نظر محکمہ ٹرانسپورٹ نے صوبائی حکومت کی منظوری سے 27الیکٹرک بسیں خریدنے کا فیصلہ کرلیا جس کے لئے ٹینڈر کردئیے گئے، الیکٹرک بسیں چین سے منگوائی جائیں گی یہ الیکٹرک بسیں کوئٹہ کے ان روٹس پر چلائی جائیں گی جن پر گریں اور پنک بسیں نہیں چلائی جارہی ہیں ۔