ملک میں مہنگائی کی شرح میں مزید اضافہ، اگست میں 11.1 فیصد ہوگئی

 اسلام آ باد ( رانا غلام قادر) ملک میں مہنگائی کی شرح میں مزید اضافہ، اگست میں 11.1فیصد ہوگئی، صرف ایک ماہ سنگل ڈیجٹ میں رہنےکے بعد پاکستان میں مہنگائی دوبارہ ڈبل ڈیجٹ میں داخل ہوگئی،اگست دو ہزارچھبیس میں مہنگائی بڑھنے کی سالانہ شرح گیارہ اعشاریہ ایک پانچ فیصد پر پہنچ گئی، اس سال جولائی میں مہنگائی کی شرح 9اعشاریہ 2فیصد اور گزشتہ سال اگست میں 3اعشاریہ ایک فیصد تھی، وفاقی ادارہ شماریات نے مہنگائی متعلق ماہانہ رپورٹ جاری کردی ۔وزارتِ خزانہ نےاگست کے لیے مہنگائی کی شرح 10 سے11 فیصد کے درمیان رہنےکا تخمینہ لگایا تھا، تاہم اصل شرح وزارت خزانہ کے تخمینے سے بھی زیادہ ہوگئی۔