پینٹاگون میں ہنگامہ خیز صورتحال، امریکی آرمی سیکریٹری مستعفی

کراچی (نیوز ڈیسک) پینٹاگون میں ہنگامہ خیز صورتحال، امریکی آرمی سیکریٹری مستعفی ہوگئے۔ ہیگستھ سے اختلافات پر ڈین ڈرسکول نے اقدام اٹھایا،حالیہ دنوں میں متعدد اعلیٰ حکام فارغ یا استعفیٰ دے چکے ۔ ٹیکنالوجی سرمایہ کار ڈرسکول روس اور یوکرین جنگ خاتمے کیلئے مذاکرات میں بھی اہم کردار ادا کرتے رہے۔ گارڈین کی رپورٹ کے مطابق امریکی فوج کے سیکریٹری ڈین ڈرسکول نے صدر ڈونلڈ ٹرمپ کو اپنا استعفیٰ پیش کردیا ہے، جس کے بعد وہ پینٹاگون سے علیحدہ ہونے والی ایک اور نمایاں شخصیت بن گئے ہیں۔ ڈرسکول کے امریکی وزیر دفاع پیٹ ہیگستھ کے ساتھ اختلافات کی اطلاعات سامنے آتی رہی تھیں اور وہ مبینہ طور پر کچھ عرصے سے پینٹاگون چھوڑنے پر غور کر رہے تھے۔