صوبوں کے قیام کیلئے متنازعہ قانون سازی نہیں ہونی چاہیے،بیرسٹر گوہر

08 ستمبر ، 2026

اسلام آباد (جنگ رپورٹر) پاکستان تحریک انصاف کے چیئرمین ، بیرسٹر گوہر خان نے کہا ہے کہ صوبوں کے قیام کیلئے متنازعہ قانون سازی نہیں ہونی چاہیے،سندھ، پنجاب اور بلوچستان میں عوامی نمائندوں اور عوام کی مرضی کے بغیر تقسیم سے پیچیدگیاں پیدا ہوں گی ، بانی پی ٹی آئی سے سیاسی قیادت اور فیملی کی ملاقات انتہائی ضروری ہے، کل ملاقاتوں کا دن ہے اور علامہ راجہ ناصر عباس اور محمود اچکزئی کی ان کے ساتھ ملاقات کرائی جائے،انہوںنے ان خیالات کا اظہار سوموار کے روزسپریم کورٹ کے احاطہ میں صحافیوں سے گفتگو کرتے ہوئے ہوئے کیا ،انہوں نے کہاکہ محمود اچکزئی نے الیکشن کمیشن کے معاملہ پر وزیراعظم کو خط لکھا ہے، وزیراعظم کو اس خط کا نوٹس لینا چاہیے۔