اسلام آباد کو نیا وفاقی یونٹ بنانے کی تجویز، 13عالمی دارالحکومتوں کا جائزہ

08 ستمبر ، 2026

اسلام آباد (مہتاب حیدر) اسلام آباد کو نیا وفاقی یونٹ بنانے کی تجویز، 13عالمی دارالحکومتوں کا جائزہ ،احسن اقبال کی سربراہی میں اعلیٰ اختیاراتی کمیٹی نے واشنگٹن، برلن، ٹوکیو، پیرس، سیول ، نئی دہلی و دیگر حکومتی ماڈلز کا مطالعہ کیا۔کمیٹی نے مرکز اور دارالحکومت کے تعلقات کے لیے مستحکم نظام، روزمرہ شہری امور کو سیاسی عدم استحکام سے محفوظ رکھنے پر زور دیا۔ بہترین کارکردگی والے دارالحکومت شفافیت، کارکردگی، شہری شرکت اور پائیدار ترقی کے مشترکہ اصولوں پر متفق نظر آتے ہیں۔ وزیراعظم کی جانب سے تشکیل دی گئی اور وزیرِ منصوبہ بندی احسن اقبال کی سربراہی میں کام کرنے والی اعلیٰ اختیاراتی کمیٹی نے 13 بین الاقوامی دارالحکومتوں اور ان کے متعلقہ طرزِ حکمرانی کا جائزہ لیا ہے تاکہ اسلام آباد کیپیٹل ٹیریٹری گورنمنٹ (ICTG) کے حوالے سے سفارشات کو حتمی شکل دی جاسکے۔