محمد رضوان اور امام الحق ڈومیسٹک کرکٹ سے باہر

12 ستمبر ، 2026

دبئی(عبدالماجد بھٹی)پاکستانی کرکٹرز محمد رضوان اور امام الحق کی مشکلات میں مسلسل اضافہ ہوتا جارہا ہے۔این سی سی آئی اے میں پیشی کے اگلےدن پاکستان کرکٹ بورڈ نے دونوں کھلاڑیوں پر ڈومیسٹک کرکٹ کھیلنے سے روک دیاہے۔باخبرذرائع کا کہنا ہے کہ رضوان اور امام کے لئے مستقبل میں مزید مشکلات بڑھ سکتی ہیں۔پی سی بی نے جمعے کو کرکٹر محمد رضوان اور امام الحق ڈومیسٹک کرکٹ میں شرکت نہیں کرسکیں گے۔دونوںپریزیڈنٹ ٹرافی گریڈ ون نہیں کھیل سکیں گے ۔قواعد کے مطابق محمد رضوان اور امام الحق نے اپنی ڈیپارٹمنٹل ٹیموں کو فٹنس ٹیسٹ نہیں دئیے ۔ فرسٹ کلاس کھیلنے کے لئے پی سی بی نے ٹیموں کو فٹنس ٹیسٹ لینا اور رپورٹ جمع کرانا لازمی قرار دیا ہوا ہے۔ دونوں کرکٹرز کی اپنے ڈپارٹمنٹس کے پاس فٹنس کی کوئی رپورٹ نہیں ہےفٹنس ٹیسٹ نہ دینے اور اس کی رپورٹ نہ ہونے کی وجہ سے کرکٹرز ڈومیسٹک کرکٹ کے اہل نہیں ہیں۔