پارلیمنٹ ہائوس، نمازِ جمعہ میں حکومت و اپوزیشن مذاکرات کی کامیابی کیلئے خصوصی دعا

اسلام آباد (این این آئی)حکومت اور اپوزیشن کے درمیان مذاکرات کی کامیابی کیلئے پارلیمنٹ ہائوس کی مسجد میں خصوصی دعا کی گئی ۔ جمعہ کو حکومت اور اپوزیشن کے درمیان مذاکرات پارلیمنٹ ہائوس میں اسپیکر چیمبر میں اسپیکر قومی اسمبلی ایاز صادق کی زیرِ صدارت ہوئے ۔نمازِ جمعہ کے دوران پارلیمنٹ کی مسجد کے امام نے حکومت اور اپوزیشن کے درمیان مذاکرات کی کامیابی کے لیے خصوصی دعا کروائی۔علامہ ناصر عباس سے رپورٹر نے سوال پوچھا کہ امام صاحب نے دعا کروائی ہے کہ مذاکرات کی کامیابی کے لیے؟ اس کے جواب میں انہوں نے رپورٹر کو مخاطب کرتے ہوئے کہا کہ آپ اور قوم بھی دعا کریں کہ اپوزیشن اور حکومت کے درمیان جاری مذاکرات کامیاب ہوں۔