صومالیہ ، ایم وی آنر 25 کے پاکستانی عملے کے 4ارکان بازیاب ؛آج کراچی آمدمتوقع

اسلام آباد ( نیوز رپورٹر)صومالیہ کے ساحل کے قریب ہائی جیک ہونے والے ایم وی آنر 25 کے پاکستانی عملے کے 4 ارکان کو بحفاظت بازیاب کرا لیا گیا جن کی آج کراچی آمد کی،متوقع ہے، جا ں بحق ہونے والوں کے جسد خاکی بھی پاکستان لائے جا رہے ہیں ، عملے کے 3 ارکان کپتان کے ہمراہ بدستور جہاز پر موجود ہیں۔ جمعہ کو سماجی رابطے کی ویب سائٹ ایکس پر ایک بیان میں نائب وزیراعظم و وزیر خارجہ سینیٹر اسحاق ڈار نے کہا کہ وزارت خارجہ اور جبوتی میں پاکستانی سفارتخانے کی مسلسل کوششوں کے نتیجے میں صومالیہ کے ساحل کے قریب ہائی جیک ہونے والے ایم وی آنر 25 کے متاثرہ دس پاکستانی عملے کے ارکان میں سے چار یاسر خان، عقیل خان، امین بن شمس اور عثمان غنی کو بحفاظت بازیاب کرا لیا گیااور ان کے آج 3 اکتوبر کو کراچی پہنچنے کی توقع ہے، تین پاکستانی عملے کے ارکان مرحوم رفیع اللہ خان، مرحوم سید کاشف عمر اور مرحوم محمود احمد انصاری جو افسوسناک طور پر اپنی جانوں سے ہاتھ دھو بیٹھے، کے جسد خاکی پاکستان واپس لائے جا رہے ہیں۔