ٹھینگی؛ میاں بیوی کی قبریں کھود کر انسانی باقیات نکال لیں، علاقے میں خوف و ہراس

03 اکتوبر ، 2026

ٹھینگی(نامہ نگار)ٹھینگی کے نواحی گاؤں چکنمبر 62 ڈبلیو بی کے قبرستان میں دل دہلا دینے والا واقعہ۔ملزم نے میاں بیوی کی قبریں کھود کر سر کے بال، ہڈیاں اور دیگر انسانی باقیات نکال لیں۔واقعہ کا انکشاف اس وقت ہوا جب مقامی افراد فاتحہ خوانی کے لیے قبرستان گئے جنہوں نے 15 پر کال کرکے پولیس کو اطلاع دی۔اطلاع ملتے ہی پولیس تھانہ ٹھینگی نے فوری کارروائی کرتے ہوئے مشتبہ ملزم وحید احمد ولد ادریس قوم گجر کو حراست میں لے لیا اور اس کے گھر سے بال،ہڈیاں،دانت اور دیگر انسانی باقیات پر مشتمل مواد کی گٹھڑی ، چاقو،چھریاں اور دیگر آلات برآمد کر لیے۔ذرائع کے مطابق ملزم آئس کے نشہ کا عادی ہے اور متعدد بار قبروں کی بے حرمتی کر چکا ہے۔اس لرزہ خیز واردات کے بعد پورے علاقے میں خوف و ہراس پھیل گیا ہے۔پولیس تھانہ ٹھینگی نے تفتیش شروع کر دی ہے۔