بھارتی بارڈرسیکورٹی فورسز کی فائرنگ سے2نہتے پاکستانی شہری شہید

اسلام آباد ( نمائندہ خصوصی )بھارتی بارڈر سیکیورٹی فورسز کی فائرنگ سے 2 نہتے پاکستانی شہری شہید ہو گئے ،سکیورٹی ذرائع کے مطابق بھارتی فورسز کی جانب سے پاک بھارت بین الاقوامی سرحدقصور کے قریب پاکستانی شہریوں پرفائرنگ،ایک زخمی بھی ہوا، بی ایس ایف نے شہریوں کو بغیر وارننگ ٹارگٹ کیا،دوسری جانب بھارتی میڈیا نے فالس فلیگ آپریشن کی روش کو برقراررکھتے ہوئے معصوم شہریوں کو درانداز قرار دے دیا ،سکیورٹی ذرائع نے بتایا کہ لدھڑ گاؤں سے تعلق رکھنے والے تین مقامی پاکستانی شہری بارڈر پلر سے چند قدم آگے ہی بڑھے تو بی ایس ایف نے انہیں بغیر وارننگ ٹارگٹ کیا، بلا اشتعال فائرنگ کے نتیجے میں دو شہری جاں بحق اور تیسرا زخمی ہوگیا اور تینوں شہری نہتے تھے۔