ڈپٹی کمشنر حافظ آباد عبدالرزاق چیف منسٹر ہاؤس میں بطور سپیشل سیکریٹری تعینات

حافظ آباد(نمائندہ جنگ) حافظ آباد میں دوسال سے زائد عرصہ تک خدمات سرانجام دینے والے ڈپٹی کمشنر عبدالرزاق کو تبدیل کرکے چیف منسٹر ہاؤس میں بطور سپیشل سیکریٹری تعینات کردیا گیا۔ مقامی ایم این اے سائرہ افضل تارڑ، اور مقامی ممبران اسمبلی کے علاوہ معززین ضلع کی کثیر تعداد نے ڈپٹی کمشنر عبدالرزاق سے الوداعی ملاقاتیں کرکے انکی خدمات پر انہیں زبردست خراج تحسین پیش کیا۔