پروازوں میں درجنوں عمانی پائلٹس کی موجودگی کا انکشاف،اسرائیل میں تحقیقات

کراچی (رفیق مانگٹ)اسرائیل نے تحقیقات شروع کر دیں کہ حالیہ برسوں میں درجنوں عمانی پائلٹس کس طرح تل ابیب کے لیے پروازیں چلاتے رہے، حالانکہ ایسے ممالک کے عملے پر پابندی عائد ہے جن کے اسرائیل کے ساتھ سفارتی تعلقات نہیں ہیں۔ اسرائیلی وزیر اعظم نیتن یاہو نے اعتراف کیا کہ ایک قانونی خلا کی وجہ سے مذکورہ شریک پائلٹ پابندیوں کو عبور کرنے میں کامیاب ہوا۔ واضح طور پر یہاں ایک خلا موجود تھا جسے ہم دور کر رہے ہیں۔رپورٹ کے مطابق اسرائیلی حکام نے عملے کی شہریت کی خود تصدیق کرنے کے بجائے غیر ملکی ایئرلائنز پر انحصار کیا کہ وہ خود ان پابندیوں پر عمل کریں۔ داخلی سکیورٹی ادارے نے فلائی دبئی کے پائلٹس کی مکمل جانچ پڑتال نہیں کی، تاہم ایئرلائن کو ہدایت دی گئی تھی کہ وہ ایسے ممالک کے عملے کو تعینات نہ کرے جن کے اسرائیل کے ساتھ سفارتی تعلقات نہیں۔