پنجاب میں بلدیاتی انتخابات کا مجوزہ ابتدائی شیڈول حکومت کو ارسال

لاہور(مقصود اعوان نمائندہ خصوصی)الیکشن کمیشن آف پاکستان نے پنجاب میں دسمبر میں ہونے والے بلدیاتی انتخابات مجوزہ ابتدائی شیڈول تیار کر کے حکومت پنجاب کو بھیج دیا ہے اور چیف سیکرٹری پنجاب کو مجوزہ شیڈول کے مطابق پولنگ اسٹیشنز کے سرکاری عمارات کی فراہمی،سیکورٹی اور دیگر انتظامات کرنے کی ہدایت کی ہے الیکشن کمیشن کے مجوزہ شیڈول کا اعلان حکومت پنجاب کی منظوری سے مشروط ہے الیکشن کمیشن کے غیر مصدقہ مجوزہ شیڈول کے مطابق پنجاب میں بلدیاتی اداروں کے انتخابات پنجاب لوکل گورنمنٹ ترمیمی بل 2026کے نئے بلدیاتی نظام کے تحت نئی حلقہ بندیوں کے مطابق بلدیاتی نمائندوں کا چناؤ 14 دسمبر کو ہوگالوکل گورنمنٹ کا دورانیہ پانچ سال ہوگا۔ ضلع بھر کی تمام لوکل گورنمنٹ اداروں کا با اختیار نگران / انچارج ضلع کا ڈپٹی کمشنر ہوگا بلدیاتی انتخابات براہ راست بالغ رائے دہی کے تحت انتخابات صرف یونین کونسلوں کی 9 جنرل ممبران کے لئے ہونگے ۔ جوملٹی ممبر حلقہ ( یونین کونسل ) سے منتخب ہونگے ون ٹو ون مقابلہ نہیں ہوگا ۔ آزاد حیثیت سے بھی منتخب ہو سکتے ہیں مگر نتیجہ کے اعلان کے بعد تین ماہ کے اندر کسی پارٹی سے منسلک ہو سکتے ہیں۔