ایران میں ٹرمپ کو قتل کرنے کی دھمکی پر مبنی دیوہیکل بل بورڈ نصب

04 نومبر ، 2026

کراچی (نیوز ڈیسک)ایران میں ٹرمپ کو قتل کرنے کی دھمکی پر مبنی دیوہیکل بل بورڈ نصب،تہران کے انقلاب اسکوائر پر ٹرمپ سلاخوں کے پیچھے ،امریکی صدر، نائب صدر اور نیتن یاہو کی خون آلود تصاویر بھی آویزاں،مظاہرین کے انتقام کے نعرے، خامنہ ای کا بدلہ لینے کا مطالبہ،امریکا و ایران کے درمیان مذاکرات کی سفارتی کوششیں جاری،غیر ملکی میڈیا کے مطابق ایران نے امریکی صدر ڈونلڈ ٹرمپ کو قتل کرنے کی دھمکی پر مبنی دیوہیکل بل بورڈ تہران کے مصروف انقلاب اسکوائر پر نصب کردیا ہے، جس پر تحریر ہے کہ ’’ہم ٹرمپ کو قتل کردیں گے‘‘، بل بورڈ میں امریکی صدر کو سلاخوں کے پیچھے سر جھکائے دکھایا گیا ہے، جبکہ ایک دوسری تصویر میں نائب صدر جے ڈی وینس، امریکی خصوصی ایلچی اسٹیو وٹکوف اور اسرائیلی وزیراعظم بنیامین نیتن یاہو کے چہرے خون آلود دکھائے گئے ہیں۔