مہنگائی کی شرح 15.85 ،آٹے ،گھی، گوشت سمیت 28 اشیاء کی قیمتوں میں اضافہ

اسلام آباد(کامرس رپورٹر )رواں ہفتے ملک میں مہنگائی کی شرح15.85فیصد ہو گئی ہےاور گزشتہ ہفتے کے مقابلے میں 0.49فیصد اضافہ ہوا ہے ، احساس اعشاریوں کے انڈیکس ( ایس پی انڈکس) کے مطابق رواں ہفتے 28اشیائے ضروریہ کی قیمتوں میں اضافہ ہوا ، 6میں کمی ہوئی جبکہ 17کی قیمتوں میں ااستحکام رہا ، جن اشیا ءکی قیمتوں میں ا ضافہ ہوا ان میں گندم کا آٹا 41.78فیصد ، مرغی 12.13فیصد ،آلو 7.04فیصد ، انڈے 5.08فیصد ، دال مسور 4.79فیصد ، پیاز 4.74فیصد ، دال چنا 2.29فیصد ، دال ماش 2.05فیصد ، سرسوں کا تیل 1.97فیصد ، بکرے کا گوشت 1.64فیصد ، چائے 1.16فیصد اضافہ ہوا ، سگریٹ 2.62فیصد اور ماچس کی قیمت میں1.31فیصد اضافہ ہوا ، جن اشیا ء کی قیمتوں میں کمی ہوئی ان میں ٹماٹر 12فیصد ، بجلی 10.66فیصد ، کیلے 5.87فیصد ، چینی 0.15فیصد اور ایل پی جی کی قیمت میں 0.11فیصد کمی ہوئی ، پاکستان بیورو آف شماریات کے مطابق ایک ہفتے کےد وران آٹے کے 20کلوگرام تھیلے کی قیمت میں 405روپے ، زندہ مرغی کی ایک کلوگرام قیمت میں 34روپے ، آلو کی قیمت میں دو روپے 46پیسے ، انڈے 8روپے فی درجن ، دال مسور کی قیمت میں 11روپے ، پیازکی قیمت میں 5 روپے فی کلو اضافہ ریکارڈ کیا گیا جبکہ ٹماٹر کی قیمت میں 10روپے ، کیلے کی قیمت میں 8روپے فی درجن کمی ہوئی ۔