انٹر بینک ،روپےکی قدر میں کمی کا تسلسل برقرار ، ڈالر 193 کا ہو گیا

کراچی ( اسٹاف رپورٹر) روپےکی قدر میں کمی کا تسلسل، ڈالر 193 کی نئی بلند ترین سطح پر پہنچ گیا ، یورو اور پاؤنڈ کی قیمت میں بھی اضافہ، فاریکس ایسوسی ایشن کی جاری کردہ رپورٹ کے مطابق جمعہ کو انٹر بینک میں ڈالر کی قیمت خرید مزید 90پیسے اضافے سے 191.60 روپے سے بڑھ کر 192.50 روپے اور قیمت فروخت ایک روپے کے اضافے سے 192.00 روپے سے بڑھ کر 193.00 روپے ہو گئی۔دوسری جانب اوپن مارکیٹ میں 2.50 روپے کے اضافے سے ڈالر کی قیمت خرید191.00 روپے سے بڑھ کر 193.50 روپے اور قیمت فروخت 192.00 روپے سے بڑھ کر 194.50 روپے پر پہنچ گئی جو کہ ملکی تاریخ کا ایک نیا ریکارڈ ہے ،فاریکس رپورٹ کے مطابق یورو کی قیمت خرید ایک روپے کے اضافے سے 198.00 روپےسے بڑھ کر 199.00 روپے اور قیمت فروخت 1.50 روپے کے اضافے سے 200.50 روپے سے بڑھ کر 202.00 روپے ہو گئی ہے جبکہ برطانوی پاؤنڈ کی قیمت خرید 1.50 روپے کے اضافے سے 232.50 روپے سے بڑھ کر 234.00 روپے اور قیمت فروخت 50 پیسے کے اضافے سے 237.50 روپے سے بڑھ کر 238.00 روپے ہو گئی ہے۔