ملک میں زرمبادلہ کے ذخائر دو سال کی کم ترین سطح تک گر گئے،سٹیٹ بینک

کرا چی(پی پی آ ئی)ملک میں زرمبادلہ کے ذخائر تقریباً دو سال پہلے کی کم ترین سطح پر گر گئے ہیں۔سٹیٹ بینک کے جاری کردہ اعداد و شمار کے مطابق ملک کے پاس اس وقت 16.5 ارب ڈالر کے زرمبادلہ کے ذخائر موجود ہیں جن میں صرف ایک ہفتے میں 10 کروڑ 78 لاکھ ڈالر کی کمی ہوئی ہے۔سٹیٹ بینک کے پاس موجود زرمبادلہ ذخائر کی مالیت 10.308 ارب ڈالر ہے جب کہ کمرشل بینکوں کے پاس زرمبادلہ کے ذخائر کی مالیت 6.607 ارب ڈالر ہے۔ ملک میں زرمبادلہ کے ذخائر میں گذشتہ کئی مہینوں سے کمی ہو رہی ہے جس کی وجہ ملک کا بڑھتا ہوا تجارتی اور جاری کھاتوں کا خسارہ ہے جس سے مقامی کرنسی کے مقابلے میں ڈالر کی قیمت بھی مسلسل بڑھ رہی ہے ۔