مریم نواز 23مئی کو اوکاڑہ جلسہ میں اہم اعلانات کریں گی ،لیگی ذرائع

اوکاڑہ(وارث حیدری)23مئی کو فٹبال گراؤنڈ اوکاڑہ میں مسلم لیگ ن کی مرکزی نائب صدر مریم نواز کا ہونیوالا جلسہ مختلف حوالوں سے شہرت اختیار کر گیا ہے لیگی ذرائع کے مطابق مریم نواز کی جانب سے جلسہ میں اہم اعلانات متوقع ہیں الیکشن2018میں قومی اسمبلی کی تمام چاروں جبکہ صوبائی اسمبلی کی8میں سے7سیٹیں ن لیگ نے جیتیں صوبائی اسمبلی کی آٹھویں سیٹ جگنو محسن نے آزاد حیثیت میں جیتی جن کی ن لیگ میں شمولیت سے ضلع کی قومی وصوبائی اسمبلی کی تمام سیٹیں ن لیگ کے پا س آ گئیں جلسہ کے منتظم اعلیٰ چودھری فیاض ظفر، جگنو محسن سمیت ممبران قومی و صوبائی اسمبلی کی عوامی رابطہ مہم جلسے میں عوام کی بڑی شرکت کا پتہ دے رہی ہے،جلسہ کے حوالے سے جاری ورکرزکنونشنز اور کارنر میٹنگز کا شیدول سخت گرمی کی وجہ سے دن کی بجائے رات میں تبدیل کر دیا گیا ہے،ان تقاریب کا آغاز اور اختتام اس نعرے پر کیا جاتا ہے کہ ”اوکاڑہ کس کا،شیر کا“۔