میٹرک امتحانات کے دوران غفلت پر عملے کے خلاف کارروائی ہوگی، کنٹرولر امتحانات

ملتان(سٹافرپورٹر)میٹرک کے امتحانی سنٹرز پر فرائض میں غفلت برتنے والے عملے کے خلاف پیڈا ایکٹ کے تحت کارروائی کرنے کا فیصلہ، کنٹرولر امتحانات سنٹرز پر ڈیوٹی دینے والے عملے کو سخت پیغام جاری کیا ہے جس میں کہا گیا ہے کہ سنٹرز میں داخل ہونے والے تمام امیدواروں کی تلاشی لی جائے ، اسی طرح ڈیوٹی عملہ اپنے موبائل ریذیڈنٹ انسپکٹر کے پاس جمع کرانے کا پابند ہے مگر اس کی خلاف ورزی کی جارہی ہے، جس سنٹر پر بھی امیدوار سے کوئی مواد برآمد ہوا تو ڈیوٹی عملے کے خلاف پیڈا ایکٹ کے تحت کارروائی کی جائے گی۔دریں اثنا اساتذہ تنظیموں نے کنٹرولر بورڈ کی جانب سے جاری پیغام میں استعمال زبان کو غیر مہذب قرار دیا اور اسکی شدید مذمت کی ہے ۔