ضلع کچہری ملتان میں موجود 200کے قریب اسٹامپ فروشوں کی مشکلات بڑھ گئیں

ملتان (سٹافرپورٹر)ضلع کچہری ملتان میں موجود 2 سو کے قریب اسٹامپ فروشوں کی مشکلات بڑھ گئیں۔پنجاب بھر میں کچھ عرصہ پہلے وائٹ اسٹام پیپر کا آغاز آن لائن کیا تو شہریوں کی مشکلات کم ہونے کی بجائے بڑھ گئیں، اسٹام فروشوں کا کہنا ہے کہ ویب سائٹ مصروف ہونے کی وجہ سے آن لائن پیپر نکلنے میں تاخیر ہوتی ہے ۔ کمپیوٹر بجلی اور انٹرنیٹ کے استعمال کی وجہ سے اخراجات بڑھ گئے اور بچت کم ہوگئی ہے۔اسٹام فروشوں کا کہنا ہے کہ ضلعی انتظامیہ آن لائن ویب سائٹ تک رسائی کو سہل بنائے جبکہ ضلعی انتظامیہ رجسٹرڈ اسٹام فروشوں کو انٹرنیٹ اور کمپیوٹرز کی سہولت فراہم بھی کرے۔