مترو میں تار ٹوٹنے سے گھنٹوں بجلی بند ،لوگوں کا احتجاج

مترو(نامہ نگار)وولٹیج کی کمی اور زیادتی کی وجہ سے متعدد ٹرانسفارمر ٹیوب ویل موٹریں جل گئیں تار ٹوٹنے کی وجہ سے گھنٹوں بجلی بند رہی جس پر لوگوں نے شدید احتجاج کیاتفصیل کے مطابق مترو اور شیر شاہ فیڈر پر کئی مواضعات کا اضافی بوجھ ڈال دیا گیا جس کی وجہ سے وولٹیج کی اچانک کمی اور زیادتی کا سلسلہ جاری ہے لائنیں ڈسٹرب ہو چکی ہیں گذشتہ روز بجلی کی مین تار ٹوٹ گئے جس کی وجہ سے کئی گھنٹوں تک بجلی بند رہی اور لوگوں کو شدید مشکلات کا سامنا کرنا پڑ ا ہے جبکہ زمیندار محمد حسیب مترو کی ٹیوب ویل کی موٹر جل گئی اس طرح چک نمبر131ڈبلیو بی کے کاشتکار حاجی ممتاز حسین آرائیں کی ٹیوب ویل کی موٹر اور ٹرانسفارمر جل گیا، چک نمبر173ڈبلیو بی کی مقامی آبادی کا ٹرانسفارمر بھی جل گیا ،اس دوران لوگوں کوشدید مشکلات کا سامنا کرنا پڑ رہا ہے، اہل علاقہ چوہدری غلام بسم اللہ ،محمد وارث،محمد اقبال،محمد نواز،محمد ارشاد،محمد اختر،محمد افضل،محمد شفیع و دیگر نے شدید احتجاج کرتے ہوئے ایس ای میپکو وہاڑی سے کارروائی کا مطالبہ کیا ہے۔