ایم این اے چوہدری افتخار نذیر کی وزیر داخلہ راناثناءاللہ سے ملاقات

ٹھٹھہ صادق آباد(نامہ نگار) چیئرمین سٹینڈنگ کمیٹی دفاعی پیداوار ورکن قومی اسمبلی جہانیاں چوہدری افتخار نذیر کی وفاقی وزیر داخلہ رانا ثناءاللہ سے ملاقات، ملکی و خانیوال کی سیاسی صورتحال پر تبادلہ خیال، رانا ثناء اللہ نے کہاکہ مشکل وقت میں پارٹی کیساتھ شانہ بشانہ کھڑے رہنے پر افتخار نذیر کے مثبت کردار کو کبھی فراموش نہیں کرسکتے، چوہدری افتخار نذیر مخلص ساتھی اور قیمتی اثاثہ ہیں، رانا ثناءاللہ نے ضلع خانیوال میں پارٹی کیلئے پیش بہا خدمات سر انجام دینے پر چوہدری افتخار نذیر کی کوششوں کو سراہا،خصوصاً مختصر عرصے میں خانیوال میں پارٹی کو متحرک کرنے اور مرکزی قیادت کا پیغام عوام تک پہنچانے پر چوہدری افتخار نذیر کے کردار کی تعریف کی،اس موقع پر دیگر مسلم لیگی رہنما بھی موجود تھے۔