بھکر کے قریب تھل ایکسپریس بڑے حادثے سے بال بال بچ گئی

چوک سرورشہید(نامہ نگار)بھکر کے قریب راولپنڈی سے ملتان آنیوالی تھل ایکسپریس بڑے حادثے سے بال بال بچ گئی۔بھکر کے قریب گرمی کی شدت سے ریلوے ٹریک مڑ گئی۔ڈرائیور نے دور سے پٹڑی کو متاثر دیکھ کر ایمرجنسی بریک لگا لی۔کوئی نقصان نہیں ہوا۔تفصیل کے مطابق گزشتہ روز راولپنڈی سے ملتان آنیوالی 129اپ تھل ایکسپریس حسب معمول روانہ ھوئی۔اور بھکر کے قریب ٹرین جب پنجگراہیں اور شاہ عالم اسٹیشن کے درمیان پہنچی۔تو ڈرائیور نے دیکھا کہ شدید گرمی کے باعث ریلوے ٹریک مُڑی ہوئیہے۔جس پر ڈرائیور نے ایمرجنسی بریک لگا کر گاڑی روک لی۔یوں ڈرائیور نے حاضر دماغی کا مظاہرہ کرتے ہوے ٹرین کو بڑے حادثے سے بچا لیا۔ڈویژنل سپرنٹنڈنٹ ملتان واقع کی اطلاع ملتے ہی ڈویژنل ایگزیکٹو انجینئر عابد رزاق کی سربراہی میں ریسکیو ٹیم کو متاثرہ مقام پر بھیجا۔تین گھنٹے کی کوشش کے بعد ٹرین آپریشن بحال کر دیا گیا۔تھل ایکسپریس 3گھنٹے تاخیر کا شکار ہوئی۔تاہم کسی قسم کا کوئی نقصان نہیں ہوا۔