خانیوال:سٹی پارک کی خراب لائٹس اور بنچوں کی مرمت کی ہدایت

خانیوال(نمائندہ جنگ) ڈپٹی کمشنر سلمان خان لودھی کی کی ہدایت پر خانیوال شہر کی صفائی کے لیے عملی اقدامات جاری ہیں۔ صفائی آپریشن کے لیے سٹیژ پروگرام تحت چار لورڈ رکشہ میونسپل کمیٹی خانیوال کو فراہم کردئیے گئے ہیں جن کے ذریعے شہر کے کوڑا کرکٹ کو ٹھکانے لگانے میں مدد ملے گی اس کے ساتھ شہر میں صفائی کا کام بھی معمول کے مطابق جاری ہے اس کے ساتھ ہی سینٹری ورکرز کو بھی شہر کے نظر انداز علاقوں پر توجہ دینے کی ہدایت کی گئی۔ دریں اثناء ایڈیشنل ڈپٹی کمشنر ریونیو عمر افتخار شیرازی نے سٹی پارک میں تزئین و آرائش کے کام کا جائزہ لیا اور چیف آفیسر کو فوراً خراب لائٹس اور ٹوٹے ہوئے بنچوں کی مرمت کرانے کی بھی ہدایت کی۔ اسسٹنٹ کمشنر خانیوال اقراء مصطفیٰ نے بھی شہر کے مختلف علاقوں کا دورہ کیا، جس میں صفائی اور تزئین و آرائش کے کام کو چیک کیا اور اس کے ساتھ ہی ریلوے اسٹیشن کے ساتھ لگائے گئے پودوں کی مناسب دیکھ بھال کرنے کا بھی حکم دیا۔