جہانیاں میں قبضہ مافیا کیخلاف کریک ڈاؤن کے حکم پر عملدرآمد نہ ہوسکا

جہانیاں(نامہ نگار)ڈپٹی کمشنر خانیوال کی جانب سے جہانیاں میں قبضہ مافیا کیخلاف کریک ڈاؤن کے حکم پر عملدرآمد نہ ہوسکا،شہر میں بااثر قبضہ مافیا کی جانب سے ریلوے روڈ پر کروڑوں روپے کی سرکاری اراضی پر قبضے کئے جارہے ہیں ، میونسپل کمیٹی جہانیاں کے آفسران خاموش ہیں تفصیل کے مطابق ڈپٹی کمشنر خانیوال کا قبضہ مافیا کیخلاف کریک ڈاؤن کا حکم میونسپل کمیٹی جہانیاں کے آفسران نے نظراندازکر دیا،جہانیاں شہر ،ریلوے روڈ ملتان روڈ ،نہر۔پل ،112 ٹن آر ریلوے پھاٹک پر موجود تحصیل کونسل اور ضلع کونسل کی کروڑوں روپے کی سرکاری اراضی پر قبضہ مافیا نے بجری ، تٌوڑی ، تمبو قناتیں اورپختہ مکانات بناکر قبضہ کر لیا جبکہ میونسپل کمیٹی جہانیاں کے آفسران کو نشاندہی کروانے کے باوجود قبضہ مافیا کیخلاف کارروائی کرنے سے انکار جبکہ قبضہ مافیا دن رات دھڑلے سے سرکاری اراضی پر قبضہ کر رہا ہے، شہریوں آصف ،ربنواز شہباز احمد نے ڈپٹی کمشنر خانیوال اور کمشنر ملتان سے فوری ذمہ داروں کیخلاف محکمانہ کارروائی اور قبضہ مافیا کیخلاف کریک ڈاؤن کروانے کا مطالبہ کیا ہے۔