کبیروالا کے پارکوں کی صفائی اور حالت زار سنوارنے کیلئے اقدامات

کبیروالا (نامہ نگار) کبیروالا تحصیل میں میونسپل سروسز کی بہتری کے لیے کبیروالا اور عبد الحکیم یونٹ خصوصی مہم چلائیں گے جس میں صفائی اور نکاسی آب سمیت دیگر میونسپل سروسز کے حوالے سے نظر انداز شدہ علاقوں میں خصوصی اقدامات کے لیے موثر لائحہ عمل بنایا جائے گا۔صفائی مہم کے لیے وارڈز وائز ٹیمیں بنائی جائیں گی جو ہمہ جہت صفائی کو یقینی بنائیں گے۔ لیڈیز پارک کبیروالا سمیت تمام پارکس میں صفائی اور ان کی حالت کو سنوارنے کے لیے اقدامات کیے جائیں گے ۔کبیروالا کی اضافی بستیوں بستی سیداں والی ۔بستی ریحان پور، بستی جوئیہ والی ،بستی حسین آباد اور بستی پٹھانے والی سمیت اندرون شہر کے محلہ جات صفائی اور نکاسی آب کے حوالے سے بدترین صورتحال سے دوچار ہیں انہیں بہتر بنانے کے لیے مستقل اقدامات کی ضرورت ہے,عملہ صفائی کی کمی کو پورا کرنے کے لیے مزید عملہ صفائی کی بھرتی اور وسائل کی فراہمی کے لیے بھی اقدامات کی ضرورت ہے ۔