سکولوں میں اوآر ایس اور ٹھنڈے پانی کا انتظام یقینی بنانے کی ہدایت

وہاڑی (نمائندہ جنگ) ڈپٹی کمشنر خضر افضال چوہدری نے ہے کہا کہ گرمی سے بچاؤ کیلئے احتیاطی تدابیر اختیار کرنا انتہائی ضروری ہے۔ شدید گرمی کی لہر ہمارے جسم کو متاثر کرتی ہے۔ خصو صا ً بچوں کو گرمی کی اس لہر سے بچانا انتہائی ضروری ہے ۔تمام سکولوں اور دیگر تعلیمی اداروں میں بچوں کو دھوپ میں نہ نکلنے دیا جائے۔ بچوں کیلئے پینے کے ٹھنڈے پانی کا انتظام ہونا چاہیے۔ کلاس رومز کے پنکھے فنکشنل ہونے چاہئیں ۔ سکولوں میں او آر ایس بھی موجود ہونا چاہیے۔ سکول انتظامیہ اس بات پر پوری توجہ دے کہ بچوں کو ہر ممکن طریقے سے گرمی سے بچایا جاسکے۔