جہانیاں ، یوریا کھاد کی دستیابی کے حوالے سے کھاد ڈیلرز سے میٹنگ

جہانیاں (. نامہ نگار) ڈپٹی کمشنر خانیوال سلمان خان لودھی کی ہدایت پر اسسٹنٹ کمشنر آفس جہانیاں میں فرٹیلائزر ڈیلرز کی میٹنگ ہوئی۔اجلاس کی صدارت اسسٹنٹ کمشنر جہانیاں محمد اکمل نے کی جبکہ خصوصی شرکت اسسٹنٹ ڈائریکٹر محکمہ زراعت توسیع جہانیاں مظہر حسین کلیم نے کی ، اسسٹنٹ کمشنر محمد اکمل نے یوریا کھاد کے سٹاک کے بارے میں دریافت کیا تو اسسٹنٹ ڈائریکٹر محکمہ زراعت توسیع مظہر حسین کلیم نے بریفنگ دیتے ہوئے کہا کہ تمام کھادیں مارکیٹ میں وافر مقدار میں سرکاری نرخوں پر موجود ہیں، اسسٹنٹ کمشنر نے فرٹیلائزر ڈیلرز کے مسائل بھی سنیں اور جائز مسائل حل کرنے کی یقین دہانی کرائی، اس موقع پر چوہدری اعجاز احمد گورایہ، چوہدری عبدالباسط ،مہر مجاہد دلمیر، وسیم اور وسیم افتخار بھی موجود تھے۔