میرا سوشل میڈیا پر کوئی اکائونٹ نہیں ہے ، بہروز سبزواری کی وضاحت

کراچی (آئی این پی) سینئر اداکار بہروز سبزواری نے اپنے بیٹے اداکار شہروز سبزداری سے متعلق سوشل میڈیا پر وائرل ہونے والے اپنے بیان کی حقیقت بتادی۔ بہروز سبزواری کے نام سے سوشل میڈیا پر ایک ٹوئٹ وائرل ہوئی جس میں عمران خان کی حمایت پر ان کے اپنے بیٹے شہروز سبزواری کے لیے سخت الفاط درج کیے گئے تھے۔ تاہم اب سوشل میڈیا پر ہی سامنے آنے والی ویڈیو میں بہروز سبزواری نے بتایا کہ سوشل میڈیا پر ان کے نام سے وائرل ہونے والا ٹوئٹ جعلی ہے ۔ ویڈیو بیان میں انہوں نے کہا کہ میراکسی سوشل میڈیا پلیٹ فارم پر کوئی اکائونٹ نہیں ہے، میرے نام سے چلنے والے تمام اکائونٹ جعلی ہیں۔ انہوں نے یہ بھی بتایا کہ میں نے ایف آئی اے سائبر کرائم میں رپورٹ درج کروادی ہے ۔ ان کا مزید کہنا تھا کہ اگر کسی کی دل آزاری ہوئی ہے تو میں معذرت خواہ ہوں ۔