تمباکو نوشی کے خلاف عالمی دن پر آگاہی واک

ملتان(سٹاف رپورٹر )حکومت تمباکو نوشی کے خلاف قوانین پر سختی سے عمل درآمد کروائے پبلک مقامات پر سختی سے اور بچوں و خواتین کو خصوصی طور پر سگریٹ نوشی پر پابندی لگائی جائے ان خیالات کا اظہار تمباکو نوشی کے خلاف عالمی دن کے موقع پر صحت فاؤنڈیشن کے زیر اہتمام آگاہی واک کے شرکاءسے خطاب کرتے ہوئے چیئرمین صحت فاؤنڈیشن ڈاکٹرپیر سید عبدالسمیع نے کیا ،انہوں نے مزید کہاکہ تمباکو نوشی کی ہر قسم زہریلا موا دہے اور پوری دنیا میں تمام بیماریوں اور اموات میں سرفہرست ہے،آگاہی واک میں عرفان قریشی ،خلیل ملک ،وقاص رفیع ،اعجاز حسین ،محمد اجمل ،محمد علی و مختلف شعبہ ہائے زندگی سے تعلق رکھنے والے افراد نے شرکت کی ۔