پی آئی اے حج آپریشن 6 جون سے شروع کریگی

01 جون ، 2022

لاہور (نیوزرپورٹر)پی آئی اےکا حج آپریشن 6 جون سے شروع ہوگا۔ پہلی حج پرواز 329 عازمین کو لے کر اسلام آباد سے مدینہ منورہ روانہ ہوگی۔پی آئی اے 15 ہزار سرکاری سکیم کے تحت استفادہ حاصل کرنے والے عازمین اور پرائیوٹ آپریٹرز کے 18 ہزارعازمین حج کوحجاز مقدس لے کر جائیگی۔ پی آئی اے کی قبل از حج کی پروازیں 6 جون سے 3 جولائی تک آپریٹ ہونگی جبکہ بعد از حج کی پروازیں 14 جولائی سے شروع ہونگی اور 13 اگست تک جاری رہیں گی۔پی آئی اے کا کل حج آپریشن 331 پروازوں پر مشتمل ہوگاجو 5بڑے شہروں اسلام آباد،کراچی، لاہور،ملتان اور کوئٹہ سے عازمین کو حجاز مقدس پہنچائے گی۔وفاقی وزیر ہوابازی خواجہ سعد رفیق کی خصوصی ہدایات پر سی ای او پی آئی اے آپریشن کی خود نگرانی کریں گے۔