کراچی (ٹی وی رپورٹ،) پاکستان تحریک انصاف (پی ٹی آئی) میں وزیراعظم کے انتخاب کے دوران ووٹنگ کے عمل کے بائیکاٹ اور استعفوں کے معاملے پر اختلافات سامنے آگئے۔ ذرائع کے مطابق تحریک انصاف کے ارکان قومی اسمبلی نے سوالات اٹھانا شروع کردیئے ہیں اور استعفوں سے متعلق پارٹی کے فیصلے پرتحفظات کا اظہارکیا ہے۔ ذرائع بتاتے ہیں کہ تحریک انصاف کے اکثریتی ارکان قومی اسمبلی میں واپسی کے خواہشمند ہیں اور ارکان نے مطالبہ کیا ہے کہ ووٹنگ بائیکاٹ اور استعفوں کی تجویز دینے والی شخصیت کو سامنے لایا جائے۔ ارکان کا کہنا ہے کہ پارٹی کو غلط مشورہ دے کر سیاسی ساکھ کو نقصان پہنچایا گیا، ہمیں قومی اسمبلی میں واپس جا کر حکومت کو ٹف ٹائم دینا چاہیے۔ ذرائع کے مطابق پی ٹی آئی کے چیف وہب عامر ڈوگر بھی ووٹنگ کے بائیکاٹ کا مشورہ دینے والے سے لاعلم ہیں۔ عامر ڈوگر کا مؤقف ہے کہ بائیکاٹ نہ کیا جاتا تو راجہ ریاض اور دیگر منحرف ارکان ڈی سیٹ ہو چکے ہوتے۔ ذرائع کے مطابق تحریک انصاف کے ارکان نے پارلیمانی پارٹی اجلاس بلانے کا مطالبہ کیا اور کہا ہے کہ پارلیمانی پارٹی اجلاس بلا کر سب کو مؤقف پیش کرنے کا موقع دیا جائے، سیاسی خودکشی کی گئی، آئندہ الیکشن میں کون ووٹ دے گا؟ ذرائع کا کہنا ہے کہ پی ٹی آئی کے متعدد ارکان قومی اسمبلی میں واپس جانے کیلئے پرتولنے لگے۔ اس حوالے سے پی ٹی آئی رہنما فواد چوہدری کا کہنا ہے کہ ہم اپنے کسی رکن کو جعلی اسمبلی میں نہیں جانے دیں گے، یہ جعلی اسمبلی ہے جو اسمبلی میں جانا چاہتا ہے وہ پارٹی چھوڑ کر چلا جائے، اس حکومت نے لوٹے کے ذریعے الیکشن کمیشن ممبران لگائے اورحکومت لوٹے کے ذریعے چیئرمین نیب لگانے جارہی ہے۔
کراچی 93؍ فیصد پاکستانی رشوت کلچرکے شدید مخالف ہیں اور اسے معاشر ے میں بگاڑ کی اہم وجوہات میں شمار کرتے ہیں، 5؍...
ڈیرہ اسماعیل خان،اسلام آباد ڈیرہ اسماعیل خان میں درابن روڈ پر نامعلوم افراد کی فا ئرنگ ، سےکسٹم کے پانچ...
اسلام آباد قدرتی آفات سے نمٹنے اورخطرات کے تدارک میں تعاون کو فروغ دینے کے لئےنیشنل ڈیزاسٹر مینجمنٹ...
لاہور چیف جسٹس آف پاکستان جسٹس قاضی فائز عیسیٰ نے کہا ہے کہ سپریم کورٹ اور ہائیکورٹس میں ججز کی خالی ...
کراچی جیوکے پروگرام ”رپورٹ کارڈ“میں میزبان علینہ فاروق کے سوال کیا اپوزیشن کے موجودہ رویوں کے ساتھ صدر...
میلسی تین افراد نے نوجوان کے سر کے بال اور بھنویں مونڈ دیں ،ویڈیو وائرل ،2 ملزم گرفتار، نادر نامی نوجوان سعید...
لاہورپی ٹی آئی رہنما ڈاکٹر یاسمین راشد کی طبعیت ناساز ہونے پرجیل سیکیورٹی کے ہمراہ انہیں سروسز اسپتال منتقل...
اسلام آباد قومی اسمبلی کے سپیکر سردار ایاز صادق نے پارلیمنٹ کے دو نوں ایوانوں کے مشترکہ اجلاس میں ہنگامہ...