سابق وزیر اعظم کی اہلیہ کے مبینہ کرپشن سکینڈلز نیب کو بھیجنے کے مطالبے کی قرارداد پنجاب اسمبلی سیکرٹریٹ میں جمع

لاہور( این این آئی) مسلم لیگ (ن) نے وفاقی حکومت سے سابق وزیر اعظم عمران خان کی اہلیہ بشری مانیکا کے مبینہ کرپشن اسکینڈلزنیب کو بھیجنے کے مطالبے کی قرارداد پنجاب اسمبلی سیکرٹریٹ میںجمع کر ادی ۔مسلم لیگ(ن) کی رکن حناپرویز بٹ کی جانب سے جمع کرائی گئی قرارداد کے متن میں کہا گیاہے کہ بشری مانیکا کا ٹرانسفر پوسٹنگ کے بعد پراپرٹی ٹائیکون سے ہیرے کی انگوٹھی تحفے میںلینے کا اسکینڈل سامنے آیا ہے،بشریٰ مانیکا نے خاتون اول ہونے کا ناجائز استعمال کیا ، عمران خان نے اختیارات کا ناجائز استعمال کرتے ہوئے پراپرٹی ٹائیکون کو اربوں روپے کا مالی فائدہ پہنچایا، مطالبہ ہے کہ وفاقی حکومت سابق خاتون اول بشریٰ مانیکا کے کرپشن اسکینڈلز کا کیس فوری نیب کو بھیجے۔