لاہو ،مقامی عدالت سے رانا ثنااللہ و دیگرکیخلاف مقدمہ کی ایک اور درخواست پر کارروائی کا حکم

لاہور(وقائع نگار خصوصی ) ایڈیشنل سیشن جج شہباز احمد کھگہ نے رانا ثنااللہ کے خلاف مقدمہ درج کرنے کی ایک اور درخواست پر پولیس کو قانون کے مطابق کارروائی کا حکم دے دیا ،درخواست گزار ملک ندیم ایڈووکیٹ نے موقف اپنایا کہ پچیس مئی کو عدالت سے واپسی پر پولیس نے داتا دربار کے قریب رانا ثنااللہ کے حکم پر وکلا کو تشدد کا نشانہ بنایا ، جس سے وہ زخمی ہوگیا،پولیس اہلکار آزادی مارچ میں شرکت کرنے والوں سمیت وکلا ءکو تشدد کا نشانہ بناتے رہے ، عدالت رانا ثنااللہ ، سی سی پی او لاہور اور ڈی آئی جی آپریشن سمیت دیگر کے خلاف مقدمہ کا حکم دے ۔