احمد علی بٹ نے پی ٹی آئی اور ن لیگ حکومتوں کا موازنہ پیش کردیا

لاہور (مانیٹرنگ ڈیسک)مزاحیہ اداکارو میزبان احمد علی بٹ نے پاکستان تحریک انصاف اور پاکستان مسلم لیگ ن کی حکومتوں میں فرق واضح کردیا۔گزشتہ دنوں پیٹرولیم مصنوعات کی قیمتوں میں اضافے کے بعد احمد علی بٹ نے انسٹاگرام پر اسٹوری شیئر کی جس میں گزشتہ اور موجودہ حکومت کا موازنہ کیا ہوا تھا جس کی تصویر سوشل میڈیا پر زیرِ گردش ہے۔صفحے کے اوپر درج تھا کہ مہنگائی مکاؤ مارچ کے نام پر بننے والی امپورٹڈ حکومت کی 50 دن کی کارکردگی۔ساتھ ہی عمران خان اور شہباز شریف کی حکومتوں میں اشیائے ضروریہ کی بڑھتی قیمتیں اور عوام کو دی گئی سہولتوں کے حوالے سے اعداد وشمار لکھے تھے۔احمد علی بٹ کی مذکورہ وائرل انسٹاگرام اسٹوری پر صارفین نے بڑی تعداد میں تبصرے کیے۔