مسلم ممالک کا مودی سرکار کیخلاف احتجاج باعث اطمینان‘ زرداری

کراچی(این این آئی)سابق صدر آصف علی زرداری نے کہا ہے کہ مسلمان ممالک کی طرف سے مودی سرکار کے خلاف سفارتی سطح پر احتجاج باعث اطمینان ہے۔ بی جے پی ترجمان کے اشتعال انگیز بیان کی مذمت کرتے ہوئے آصف زرداری نے کہا کہ شدت پسند مودی کے پیروکار کی طرف سے مسلمانوں کی دل آزاری سیکولر بھارت کی نفی ہے ۔ انہوں نے کہاکہ مسلمان ممالک کی طرف سے مودی سرکار کے خلاف سفارتی سطح پر احتجاج باعث اطمینان ہے۔ انہوں نے کہا کہ پیغمبر اسلام کے شان میں گستاخی سے ہر اہل ایمان کی دل آزاری ہوئی ہے۔