PTI کا کوئی رکن اسمبلی استعفے کی تصدیق کیلئے اسپیکر آفس نہیں پہنچا

اسلام آباد (نمائندہ جنگ ) پاکستان تحریک انصاف کاکوئی مستعفی رکن تصدیق کیلئے اسپیکر آفس نہیں پنچا، اسپیکر قومی اسمبلی نے 6 جون سے تحریک انصاف کے مستعفی ارکان کو استعفوں کی تصدیق کیلئے طلب کیا تھا اور پہلے روز خیبر پختونخواہ سے پی ٹی آئی کے 30 ارکان کو اسپیکر کے سامنے پیش ہونے کے نوٹس جاری ہوئے۔ ذرائع کے مطابق پی ٹی آئی کا کوئی رکن استعفے کی تصدیق کیلئے نہیں آیا، پی ٹی آئی نے اپنے مستعفی ارکان کو اسپیکر کے سامنے پیش نہ ہونے کی ہدایات جاری کی ہیں ، استعفوں کی تصدیق کا عمل 10 جون تک جاری رکھا جائیگا۔ اگر استعفوں کی تصدیق کیلئے پی ٹی آئی نے پارلیمنٹ کار خ نہ کیا تو اسپیکر راجہ پرویز اشرف ضابطے کے تحت استعفوں کا از خودفیصلہ کرینگے اور ریفرنسز الیکشن کمیشن کو بھجوادیئے جائینگے۔ تاکہ مستعفی ارکان کی نشستوں پر ضمنی انتخابات کر ائے جا سکیں ۔