تیل وبجلی بچت کیلئے ہفتے میں دو تعطیلات دی جائیں ، خواجہ آصف کی تجویز

اسلام آباد (جنگ نیوز) وزیر دفاع خواجہ آصف نے ہفتے میں دو تعطیلات کی تجویز دے دی۔ ایک بیان میں خواجہ آصف نے کہا کہ موجودہ حالات میں ملک بھرمیں ہفتہ،اتوار پوری تعطیل ہو، ہفتہ،اتوار تعطیل اور جمعہ کوآدھا دن کام ہو، یعنی ہفتےمیں ساڑھے چار دن کام ہو۔انہوں نے کہا کہ کام کےدنوں میں ایک گھنٹہ دفاتر کا دورانیہ بڑھا دیا جائے، اس طرح سڑکوں پر ٹریفک کم ہو گی،تیل اور بجلی دونوں کی بچت ہو گی، ان اقدامات سے کفایت شعاری کے کلچر کو فروغ ملے گا۔واضح رہےکہ وزیراعظم شہباز شریف نے وزارت عظمیٰ کا منصب سنبھالنے کے بعد ہفتے کے روز تعطیل کے خاتمے کا اعلان کیا تھا تاہم حکومت نے اسے بعد میں بحال کردیا۔