پاک قطر فیملی تکافل کا عثمان میموریل اسپتال سے معاہدہ

کراچی ( اسٹاف رپورٹر) پاک قطر فیملی تکافل نے اپنے ممبران کو معیاری طبّی خدمات فراہم کرنے کیلئے عثمان میموریل ہسپتال کے ساتھ ایک معاہدے پر دستخط کئے ہیں۔ عثمان میموریل اسپتال کراچی کے سیکنڈری کیئر ہسپتالوں میں سے ایک ہے۔ اس سلسلے میں پاک قطر فیملی تکافل کے ہیڈ آفس میں منعقدہ تقریب میں پاک قطر فیملی تکافل کے چیف ایگزیکٹو آفیسر عظیم اقبال پیرانی اور عثمان میموریل ہسپتال کی چیف ایگزیکٹو آفیسر سحر سینن نے معاہدے پر دستخط کئے۔ اس موقع پر دونوں اداروں کی سینئر مینجمنٹ بھی موجود تھی۔ پاک قطر فیملی تکافل کے چیف ایگزیکٹو آفیسر عظیم اقبال پیرانی نے کہاکہ پاک قطر فیملی تکافل کی پینل ہسپتالوں کی بڑھتی ہوئی فہرست میں عثمان میموریل ہسپتال کے اضافے کے ساتھ ہم اپنے ممبران کی حفاظت کیلئے صحت کی معیاری خدمات فراہم کرنے کے اپنے طویل المدّتی وژن کے ساتھ آگے بڑھ رہے ہیں۔