یوکرینی صدر نے روسی حملے کی امریکی وارننگ پر کان نہیں دھرے، جو بائیڈن

لاس اینجلس (اے ایف پی) امریکی صدر جوبائیڈن کا کہنا تھا کہ یوکرینی صدر نے روسی حملے کی امریکی وارننگ پر کان نہیں دھرے اور تمام وارننگ کو نظر انداز کیا جس کی وجہ سے زیلنسکی 24 فروری کو حملے کے موقع پر تیار نہیں تھے۔ تفصیلات کے مطابق، امریکی صدر جو بائیڈن کا کہنا ہے کہ یوکرین کے صدر ولادیمیر زیلنسکی نے امریکا کی جانب سے روس کی پیش قدمی کی تمام وارننگ کو نظر انداز کیا جس کی وجہ سے وہ 24 فروری کو حملے کے موقع پر تیار نہیں تھے۔ امریکی صدر نے لاس اینجلس میں سیاسی فنڈ ریزنگ کے لئے منعقدہ تقریب سے خطاب میں کہا کہ مجھے معلوم ہے کہ حملے سے قبل بہت سے لوگوں کو لگ رہا تھا کہ میں روس کے بارے میں غلط سوچ رہا تھا مگر ہمارے پاس موجود معلومات اس سے برعکس تھی۔ زیلنسکی اور ان سمیت کئی لوگ یہ بات سننا پسند نہیں کر رہے تھے۔