سی پی اوآفس میں کھلی کچہری درخواستوں پر احکامات

راولپنڈی(سٹاف رپورٹر) سی پی اوآفس راولپنڈی میں کھلی کچہری کا انعقاد کیا گیا،ایس پی ہیڈ کوارٹرز طارق محبوب نے شہریوں کے مسائل سنے اوران کے حل کیلئے احکامات جاری کیے۔ ایک شہری کی درخواست پر ایس ایچ او نصیر آباد کو ایف آئی آر درج کرنے کا حکم دیا گیا۔ ایس پی ہیڈ کوارٹرز نے کہاکہ مارک کی گئی درخواستوں پر قانونی کارروائی کو یقینی بنایا جائے، انہوں نے کہاکہ تھانہ میں آنے والے شہریوں کے ساتھ خوش اخلاقی سے پیش آتے ہوئے ان کے مسائل ترجیحی بنیادوں پر حل کیے جائیں،راولپنڈی پولیس شہریوں کی جان ومال کی حفاظت کے ساتھ ساتھ ان کے مسائل کے حل کے لیے ہمہ وقت کوشاں ہے۔