بڑھتی مہنگائی پر حکومت و متعلقہ اداروں کوکنٹرول رکھنا چاہئے‘ عوامی حلقے

حضرو (نمائندہ جنگ) ملک میں بڑھتی ہوئی مہنگائی اور روز مرہ کی ضروری اشیاء کی قیمتوں میں راتوں رات من مانے اضافے سے عام شہریوں میں تشویش پائی جا رہی ہے۔ گھی‘ آٹا‘ دالیں‘ آئل اور دیگر اشیاء کی قیمتوں میں بے تحاشا اضافے سے عوام میں پریشانی اور بے چینی پائی جا رہی ہے۔ انہوں نے شکوہ کیا کہ ضروری اشیاء کی قیمتوں میں اضافے پر حکومت کے متعلقہ اداروں اور حکام کا کوئی کنٹرول نہیں رہا۔ صارفین کا کہنا ہے کہ قیمتوں میں اضافہ کیلئے قانونی طریقہ کار اپنایا جانا چاہئے نہ کہ ازخود ہر چیز کی قیمت بڑھا دی جائے۔ ادہر صوبے بھر میں تمام بازار مارکیٹس رات ساڑھے 9بجے بند ہونے کے اعلان سے جہاں تاجر برادری پریشان ہے وہاں گھریلو صارفین بھی پریشان ہیں۔