الیکشن سے پہلے ہی حکومتی امیدوار فنڈز کا اعلان کررہے ہیں، شاہ محمود

ملتان(جنگ نیوز)رہنماپی ٹی آئی شاہ محمودقریشی نےکہاہےکہ ضمنی انتخابات میںالیکشن سے پہلے ہی حکومتی امیدوار فنڈز کا اعلان کررہے ہیں، مشاورت اور اتفاق رائے سے زین قریشی کو ٹکٹ دیا، فرسودہ نظام بدلناچاہتےہیں،انہوں نےکہا کہ مشاورت اور دوستوں کے اتفاق رائے سے زین قریشی کو ٹکٹ دیا،ہم یہ الیکشن اس وقت لڑ رہےہیں جب حکومت ہمارے خلاف ہے، آج پارٹی پرمشکل وقت ہے ہم نے خود کو آزمائش کے لیے پیش کیا ہے، ہم میدان میں اتر کر فرسودہ نظام کو بدلنا چاہتےہیں، الیکشن سے پہلے ہی سرکاری امیدوار فنڈز کا اعلان کر رہے ہیں، ٹرانسفر پوسٹنگ ہو رہی ہیں لیکن سرکاری امیدوار کے خلاف حریفوں کا نقطہ نظر نہیں سنا جا رہا۔