ایڈیشنل سیکرٹری وزیر اعظم آفس کا دورہ گوادر،سی پیک منصوبوں کا جائزہ لیا

کوئٹہ(آئی این پی)پاکستان کے وزیر اعظم شہباز شریف کے ایڈیشنل سیکرٹری ندیم اسلم چوہدری نے گوادر کا دورہ کیا اور چین پاکستان اقتصادی راہداری ( سی پیک )کے تحت جاری مختلف ترقیاتی منصوبوں کی رفتار اور ان پر عملدرآمد کا جائزہ لیا۔ گوادر پرو کے مطابق یہ دورہ وزیراعظم کی خصوصی ہدایت پر کیا گیااس کا مقصد جاری ترقیاتی منصوبوں کا جائزہ لینا اور وقتا فوقتا وزیراعظم سیکرٹریٹ کو رپورٹ کرنا تھا تاکہ وفاقی حکومت بھی گوادر کی تیز رفتار ترقی پر خصوصی توجہ دے سکے ۔ نئے تعینات ہونے والے ایڈیشنل سیکرٹری نے گوادر ڈویلپمنٹ اتھارٹی (جی ڈی اے)کے جاری منصوبوں کا جائزہ لینے کیلئے منعقدہ اجلاس کے دوران کہا سی پیک کے تحت منصوبوں کی بروقت اور معیاری تکمیل کو یقینی بنایا جائیگا کیونکہ یہ منصوبے معیشت کی ترقی کیلئے کلیدی حیثیت رکھتے ہیں۔