پہلی انٹرنیشنل پاکستان سپر والی بال لیگ کے پروگرام کو حتمی شکل دے دی گئی

کراچی( نصر اقبال،/ اسٹاف رپورٹر) پاکستان والی بال فیڈریشن نے پہلی انٹر نیشنل پاکستان سپر والی بال لیگ کے پروگرام کو حتمی شکل دے دی ہے، فیڈریشن کے چیئرمین چوہدری یعقوب نے جنگ سے بات چیت میں کہا ہے کہ لیگ میں دنیا کے نامور موجودہ کھلاڑی ایکشن میں ہوں گے، لیگ دو مر حلے میں ہوگی پہلا مر حلہ 24دسمبر سے10جنوری تک سیالکوٹ میں کھیلا جائے گا دوسرا مر حلہ12 سے21 جنوری تک اسلام آباد میں کھیلا جائے گا، انہوں نے بتایا کہ لیگ میں چھ فرنچائز کی ٹیمیں حصہ لیں گی، جو مختلف اداروں کے مالکان خریدے گے، لیگ کے سلسلے میں جلد ایک کمیٹی تشکیل دی جائے گی،جو فرنچائز مالکان سے مشاورت کے بعد کھلاڑیوں کی ڈرافٹنگ کے طریقہ کار کو حتمی شکل دے گی،انہوں نے اس لیگ سے قومی کھلاڑیوں کو فائدہ ہوگا، ہر فرنچائز کی ٹیم میں چار غیر ملکی کھلاڑیوں کو شامل کرنے کی اجازت ہوگی، انہوں نےئ کہا کہ لیگ کے سلسلے میں عالمی چیمپئن برازیل کے علاوہ اٹلی، فرانس، ایران ازبکستان، بنگلہ دیش، سری لنکا، امریکا کے کھلاڑیوں سے بات چیت مکمل ہوگئی ہے، اس کے علاوہ بھارت کے کھلاڑیوں سے بھی رابطہ کیا گیا ہے۔