صدرعلوی کی بھارت میں مسلمان مظاہرین پر طاقت کے وحشیانہ استعمال کی مذمت

اسلام آ باد(پی پی آ ئی) صدرمملکت ڈاکٹر عارف علوی نے بھارت میں مسلمان مظاہرین پر طاقت کے وحشیانہ استعمال کی سخت مذمت کی ہے۔صدر مملکت نے کہا ہے کہ بھارتی حکومت کی جانب سے طاقت کے وحشیانہ استعمال سے 2 بے گناہ مظاہرین شہید ہوئے جبکہ سیکڑوں کو بلاجواز گرفتار کیا گیا، عالمی برادری ہندوستان میں اسلامو فوبیا کی سنگین صورتحال کا فوری نوٹس لے۔ترجمان دفتر خارجہ نے جاری بیان میں کہا کہ مظاہرین پربھارتی فورسز کی بلا اشتعال فائرنگ کی فوٹیج خوفناک ہے، پاکستان بھارتی مسلمانوں کے ساتھ یکجہتی کا اظہار کرتا ہے، بھارت توہین آمیز ریمارکس کے ذمہ داروں کیخلاف سخت کارروائی کرے۔