ق لیگ قومی حکومت کیساتھ وعدہ نبھاتی رہے گی، چوہدری شجاعت، زرداری کی ملاقات

لاہور(نمائندہ جنگ)پیپلز پارٹی کے شریک چیئر مین اور سابق صدر آصف علی زرداری نے مسلم لیگ ق کے صدر شجاعت حسین سے ملاقات کی اور کہا ہے کہ کہا ہے کہ قومی و وفاقی حکومت ق لیگ کے ساتھ اور ق لیگ قومی حکومت کے ساتھ کھڑی ہے،ق لیگ قومی حکومت کے ساتھ وعدہ نبھاتی رہے گی،فاقی وزیر طارق بشیر چیمہ نے کہا کہ سابق صدر آصف علی زرداری آج ہمیں باقاعدہ طور پر کابینہ کا حصہ بننے پر مبارکباد دینے آئے تھے۔سابق صدر آصف علی زرداری نے وفاقی وزیر چودھری سالک حسین کی رہائش گاہ کا دروہ کیا، مسلم لیگ ق کے صدر شجاعت حسین، وفاقی وزیر طارق بشیر چیمہ، چودھری شافع حسین اور چودھری سالک حسین سے ملاقات کی۔اس موقع پر آصف علی زرداری نے کہا کہ قومی و وفاقی حکومت ق لیگ کے ساتھ اور ق لیگ قومی حکومت کے ساتھ کھڑی ہے، ق لیگ کے دونوں وزرا ہماری حکومت کا اہم حصہ ہیں، چودھری شجاعت سیاست کا اثاثہ ہیں۔اس موقع پر چودھری شجاعت حسین نے کہا کہ ق لیگ قومی حکومت کے ساتھ ہاتھ میں ہاتھ ڈال کر کھڑی ہے اور اپنا وعدہ نبھارہی ہے اور نبھاتی رہے گی۔