نسٹ نے اپنی ڈیزائن کردہ مائیکرو پروسیسنگ چپ متعارف کرا دی

اسلام آباد (نمائندہ جنگ) نیشنل یونیورسٹی آف سائنس اینڈ ٹیکنالوجی (نسٹ) نے اپنی ڈیزائن کردہ مائیکرو پروسیسنگ چپ متعارف کرا دی، سیمی کنڈکٹر چپس ان تمام الیکٹرانک آلات اور صارفین کے آلات کے مرکز میں ہیں جنہیں ہم ہر روز استعمال کرتے ہیں، سیمی کنڈکٹر کی عالمی فروخت 2021 میں 556 بلین ڈالر تک پہنچ گئی، گزشتہ رو پریس کانفرنس میں ریکٹر نسٹ انجینئر جاوید محمود بخاری، پروریکٹر (اکیڈمکس) ڈاکٹر عثمان حسن اور پرو ریکٹر (ریسرچ، انوویشن اینڈ کمرشلائزیشن) ڈاکٹر رضوان ریاض نے کہامائیکرو پروسیسر چپ کو نسٹ سکول آف الیکٹریکل انجینئرنگ اینڈ کمپیوٹر سائنس کی ریسرچ ٹیم نے ڈیزائن کیا تھا، پراجیکٹ کا منفرد پہلو اس کا مکمل طور پر اندرونی ڈیزائن ہے جو دوسرے ذرائع یا غیر ملکی تعاون سے اوپن سورس کور استعمال کرنے کے عام رواج کے برخلاف ہے،انہوں نے کہا کہ نسٹ نے صنعت کے معیاری 65این ایم پروسیس نوڈ کو استعمال کرتے ہوئے چپ فیبریکیشن کے لئے دنیا کی سب سے بڑی اور معروف تجارتی فاؤنڈری، تائیوان سیمی کنڈکٹر مینوفیکچرنگ کمپنی لمیٹڈ (ٹی ایس ایم سی ) کا انتخاب کیا۔