مہاجر سیاست نے صرف شہداء قبرستان آباد کئے، مصطفیٰ کمال

کراچی (اسٹاف رپورٹر) پاک سر زمین پارٹی کے چیئرمین سید مصطفیٰ کمال نے کہا ہے کہ کوٹہ سسٹم کے خلاف وجود میں آنے والی ایم کیو ایم نے چالیس برسوں میں کوٹہ سسٹم کے خاتمے کے لیے ایک احتجاج نہ کرسکی، مہاجر سیاست نے صرف شہداء قبرستان آباد کئے یا مہاجر نوجوانوں کو دہشت گرد بناکر ساری زندگی زندانوں میں گزارنے پر مجبور کیا، گزشتہ ستر سال میں پاکستان میں ہر انتخابات کے بعد پاکستان اور اسکے معاشی انجن کراچی کی حالت بد سے بدتر ہوگئے۔ مہاجروں کے ووٹوں سے منتخب ایم این ایز، ایم پی ایز اور میئر کے ہوتے ہوئے کراچی شہر کے کچرے کو صاف کرنے کیلئے چیف جسٹس پاکستان کو ایکشن لینا پڑتا ہے، نالوں کی صفائی کیلئے آرمی چیف کو شہر میں آنا پڑتا ہے۔ تمام سرکاری اسکول میں تعلیم نہیں، سرکاری اسپتال سے دوا غائب ہے۔